Շաբաթ օրը Ֆրանսիայի հրապարակում կայանալիք ընդդիմության կողմից հրավիրված Միասնության հանրահավաքին Կաթողիկոսը չի մասնակցի: Այս մասին MediaHub-ին հայտնեց իր աղբյուրը:

Նա հիշեցրեց, որ մինչև շաբաթվա վերջ Մայր Աթոռում Գերագույն հոգևոր խորհրդի ժողովներ են, դրանք արդեն մի քանի օր է, ինչ ընթանում են: 

«Գարեգին Երկրորդի օրակարգը հագեցած է այս ժողովներով»,- փոխանցեց մեր զրուցակիցը:

Հիշեցնենք, ավելի վաղ Մայր Աթոռի Տեղեկատվական համակարգի տնօրեն Տ. Եսայի քահանա Արթենյանը, պատասխանելով MediaHub-ի հարցին, թե արդյո՞ք եկեղեցին միանում է Միասնության հանրահավաքին, արձագանքել էր. «Սպասվող հանրահավաքի վերաբերյալ եկեղեցու դիրքորոշումը կքննարկենք, կանդրադառնանք և ձեզ տեղյակ կպահենք»։

Հիշեցնենք նաև, որ Իշխան Սաղաթելյանը, հայտարարելով նոյեմբերի 5-ին, ժամը 15։00-ին Ֆրանսիայի հրապարակում կայանալիք հանրահավաքի մասին, դիմել էր նաև Հայ առաքելական եկեղեցուն ու Վեհափառին՝ ակնկալելով վերջինիս օրհնությունն ու աջակցությունն այդ նախաձեռնությանը։