Ի՞նչ էր անում ՀԱՊԿ հայկական զորախումբը Ղազախստանում 2022-ի անկարգությունների ժամանակ․ նախագահը փակագծեր է բացել
ՀԱՊԿ զորախումբն իսկապես խաղաղապահ է եղել ու զսպիչ գործոն է եղել այդ ողբերգական օրերին կատարվող վաքխանալիայում։ «Egemen Qazaqstan» թերթին ասել է Ղազախստանի նախագահ Կասիմ-Ժոմարտ Տոկաևը՝ խոսելով 2022 թվականի հունվարին տեղ ունեցած իրադարձությունների, անկարգությունների ժամանակ ՀԱՊԿ խաղաղապահ առաքելության մասին։
Նա նշել է, որ դիմելու պահին կազմակերպության նախագահողը Հայաստանն է եղել։ «ՀԱՊԿ զորակազմն իսկապես խաղաղապահ էր և զսպող գործոնի դեր խաղաց այդ ողբերգական օրերին»,- ասել է նա։
Նրա խոսքով՝ այդ օրերին հայկական զորախումբը հսկում էր «Ակսայ» քաղաքային ջրանցքը և հացի կոմբինատը։
Կասիմ-Ժոմարտ Տոկաևը նաև ասել է, որ կազմակերպության անդամ երկրների հետ պայմանավորվածության համաձայն՝ զորախումբը լքել է երկիրը առանց որևէ նախապայմանի, ժամանակից շուտ։ «ՀԱՊԿ խաղաղապահ զորախումբը չի մասնակցել հակաահաբեկչական գործողությանը և որևէ կրակոց չի արձակել»,- հավելել է երկրի նախագահը։
