Թուրքիայում ավտոբուսը վթարի է ենթարկվել. ավելի քան 20 մարդ վիրավորվել է
Թուրքիայի Բոդրում հանգստավայրից Վան նահանգ մեկնող մարդատար ավտոբուսը շրջվել է ձորը, ինչի հետևանքով ավելի քան 20 մարդ վիրավորվել է, հաղորդում է NTV հեռուստաալիքը։
«Շ.Կ.-ի վարած ուղևորատար ավտոբուսը, որը Բոդրումից Վան էր մեկնում, Դողանլարի շրջանում շրջվել է ձորը»,- հաղորդում է հեռուստաալիքը։
Ականատեսների վկայությունից հետո վթարի վայր են մեկնել շտապօգնության 112-ը, փրկարարական, ոստիկանական, ժանդարմերիայի և հրշեջ ջոկատները։
Վթարի հետեւանքով տուժել է 22 մարդ, որոնցից երեքը՝ ծանր։
Նախնական տվյալներով՝ բոլոր տուժածները տեղի քաղաքացիներ են։
Իրադարձություններին ավելի արագ հետևելու համար բաժանորդագրվեք՝ MediaHub1world
