Ինչ կարևոր նվերներով են փոխանակվել Բայդենն ու Մակրոնը
ԱՄՆ-ի և Ֆրանսիայի նախագահներ Ջո Բայդենը և Էմանուել Մակրոնը թանկարժեք և բովանդակալից նվերներ են փոխանակել, հայտնել են երկու երկրների բարձրաստիճան պաշտոնյաների մամուլի ծառայությունները Ֆրանսիայի ղեկավարի Վաշինգտոն կատարած պետական այցի ժամանակ։
Բայդենը իր գործընկերոջը, ում «իր ընկեր» էր անվանել, Սպիտակ տան տարածքում հավաքված փայտից պատրաստված հայելի է նվիրել։ Ինչպես պարզաբանել է մամուլի ծառայությունը, դա Սպիտակ տան հավաքածուի զարդի կրկնօրինակն է։
Բացի այդ, Բայդենը Ֆրանսիայի նախագահին է նվիրել վինիլային սկավառակների հավաքածու՝ ամերիկացի երաժիշտների ձայնագրություններով, ինչպես նաև առաջին ֆոնոգրաֆի արտոնագրի արխիվային պատճենը, որը ստեղծել է ամերիկացի գյուտարար Թոմաս Էդիսոնը 1877 թվականին։ Մակրոնի կնոջը ամերիկա-ֆրանսիացի դիզայների ոսկե և զմրուխտե կախազարդ են նվիրել։
Մակրոնը, ինչպես հայտնել է Ելիսեյան պալատը, իր հերթին Բայդենին է բերել վինիլային ձայնասկավառակ և 1966 թվականի «Տղամարդ և կին» ֆիլմի օրիգինալ սաունդթրեքով ձայնասկավառակ, որը Բայդենն ու նրա կինը դիտել են առաջին ժամադրության ժամանակ:
