Իրանը դեմ է տարածաշրջանում օտար ուժերի ներկայությանը. Աբդոլլահյան
Իրանի արտաքին գործերի նախարար Հոսեյն Ամիր Աբդոլլահյանը Կովկասում օտար ուժերի ներկայությունն անվանել է տարածաշրջանի պետությունների ընդհանուր մտահոգությունը եւ ընդգծել Իրանի անհամաձայնությունը՝ տարածաշրջանում որեւէ օտար ուժի տեղակայման հետ, հայտնում է IRNA լրատվական գործակալությունը։
Իր ադրբեջանցի գործընկեր Ջեյհուն Բայրամովի հետ հեռախոսազրույցում Ամիրաբդոլլահյանը քննարկել է երկկողմ, տարածաշրջանային եւ միջազգային կարեւորագույն հարցեր։
Անդրադառնալով Կովկասում վերջին զարգացումներին՝ նա ընդգծել է այլ երկրների, այդ թվում՝ Ադրբեջանի եւ Հայաստանի ինքնիշխանությանն ու տարածքային ամբողջականությանը աջակցությունը եւ դա անվանել Իրանի մշտական քաղաքականությունը։
